Wir, schultheis, cleinOrganisation : und gros raͧte zuͦ WinterthurLieu : Organisation : , thuͦnd hiemit mengklichem zuͦ wüsenn:

Als wir dan vornacher ein satzung des reißlouffens halb gehept und aber die bitzhaͤr waͤning hat moͤgen verfachen, sind wir deßwaͤgenn, die unseren hinfür dester gehorsamer anheimsch zuͦ behalten, darüber gsaͤsen, geratschlagt und ein andere straff und buͦss darüber geordnet, namlich also:

Unnd vermanend daruff uch alle sampt und sunders by dem glouben, den trüwen und gelüpten, die ir got vorab und uns an siner stat, ouch gemeinem vatterland schuldig sind, gar trüwlich, früntlich und vaͤtterlich, ir wellind bedengken und zehertzen fuͤren, was kümber, schadenn, truͤbsall, angst und nott uns und unseren vorderen, uweren lieben elteren, tod und laͤbendig, uß froͤmbder fürsten und heren dienst und soͤlden gefolget, wie es uns3 ouch jüngst zuͦ MarianLieu : 4 unnd [p. 2]Saut de page anderschwo ergangen ist, warzuͦ sy uns bracht. Und was uns zuͦ soͤlichen mandaten und erbaren cristenlichen satzungenn verursachet hat, frylich nützot anders dan unser und uwer aller nütz, lob und eer, ouch wolstand, frid, ruͦw und einigkeit unsers vaterlands und des gmeinen nutzes, dar mit ir destbas by wyb und kinden nach goͤtlichem geheiss beliben und die mit gott unnd eren erziechen und vorab uwere sün, darmit sy nit so ellendklich umb gellt verkuͦfft sin und in froͤmbden landen sterbenn und die graͤben ußfüllen muͤsten, anheimsch behaltenn, ouch uch all vor der glichenn und witeren schaͤden und gefaren verhuͤttenn moͤchten.

Darzuͦ ouch betrachtenn die schwaͤre raach und straff goͤtlichs zorns, der frylich kein boͤsses unvergolten last, dem ouch ungezwiflet nützit mißfeligers ist dan soͤlich krieg, bluͦtvergiessenn, ruͦb und verderbung der armen, deren bluͦt in obristen thron schrigt, daruß sich keins anderen zuͦversechen, wo wir nit abstan, das er es kein laͤnge liden, sunder uns mit glicher maͧss wie wir anderen voͤlckeren maͤssen und nach dem aller hertistenn an lyb, sell, eer und guͦt straffen und verderben werde, dwill wir uns sines evangelions beruͤmend und es aber alles in wind schlachend.

Und also uch soͤlichs ein früntliche vaͤtterliche warungCorrigé de : warnunga sin lasind, der vatter dem sun und sunst je einer dem anderen das fürhalte und ze wyssen thuͤge. Ouch von soͤlichen reyssen, fürsten und heren diensten und soͤldenn, diewil es im besten ist, abstandind, uwer guͤteren und uwers fromen vaterlands wartind und uch in dem schweyß uwer arbeit zuͦ erneren gedengkind, ouch vorab got und uns darzuͦ unsseren erbaren und cristenlichen gepoten und mandaten (dwill wir doch darin nützit dan uwer heill, eer und glück suͦchend) umb [p. 3]Saut de page goͤtlichs gefallenns und heyssenns, ouch gmeines vaterlands ruͦwen und wolfart willen gehorsam sygind, das wirt got, unser heiland, ungezwiflat zuͦ warer buͦß annemen und sin zorn von uns abwenden. Wo wir uch dan (so ir uns gehorsam sind) geneigten und genedigen willen koͤnend erzoͤigen, darin ir uns alwaͤg alls gethrüwe herrenn und vaͤter fyndenn, wo ir aber unsere gepot ubersaͤchen, werden wir (wie woll wir des lieber uberhept sin woͤltenn) der straff unverschonnt nachfaaren, dan wir je an uwerem bluͦt und an uwerer ungehorsamy kein schuld haben, uch ouch soͤlichs nit gestaten wellent.

Darnach wüsse sich mengklich zehaltenn.

Erkenth des nechsten sampstags vor der beschnidung Christy, anno etcAbréviation 1537Date : 30.12.1536 ().