Was ein eemeͣntsch, es sige wyb oder man, im eerechten von dem anderen erben soll und mag

Die frow von irem man

Erstlich soll man ein jede frouwen, so iren eeman überlëbt, nach der statt ordnung umb ir zuͦbracht und ererbt guͦt, ouch die morgengab, ußrichten unnd verwyssen, dartzuͦ iro, der frouwen, ire kleider und kleinoter, was zuͦ irem lib dient, blyben, demnach sy umb ir eerecht ouch vernügt werden. So aber inn der selben satzung nit wirt benamsot, was sollich eerecht syge,1 sonders dasselb bißhar nach der ußrichtern unnd gantmeistern anzeigung und bescheid gegëben, daruß allerley mißverstand und unglichheit gefolget ist, habent unser herren zuͦ verhutung desselben sich der alten brüchen erineret unnd befunden, was bisshar einer frouwen eerecht gewessen syge, darby es gentzlich fürer bestan und gehalten werden solle, wie harnach volgt.

Namlich, was der man der frouwen zum guͦtten jar geben hette oder sonst geschënckt ist, soll iro (so das ungefarlicher wyß beschechen) plyben, dessglych uß des mans barem gëlt, ob etwas da were, ein eer pfening und von dem silbergeschir etwa ein becherli, darnach desselben verhanden, item uß des mans kleideren ein kleid, nit das best noch das böst, sampt einem sidten gwer, zuͦgehören und verlangen.

Denne uß dem gmeinen hußraath sol der frouwen witer gefolgen

Das bett, daran sy beide gelegen sind, und ein casten.

Inn der stuben

Ein tisch mit dem gestuͤl, ein ufgeruͤste gutschen, ein gießvaß, ein handt becki, ein brunen kesy, ein sessel sambt einem küsse daruf, ein brotkorb, ein kertzen stock oder hangliecht.

Inn der kuche und dem huß allenthalben

Ein gatzen, ein wasser kesel oder wasser geͣlten, ein rost, ein häl, ein tryfus, ein saltz vaß, ein schüsel korb, schuslen und teller, ouch von heͣfen, këssi, pfannen, kupferi, zini und anderem hußgeschir einem jedem etwan einQuantité : 1Ajout au-dessus de la lignea stuck oder zweyQuantité : 2.

So denne hört der frouwen ferer etwas kërnen uff der beylen, item das drinck vass oder etwas wynns daruß und soll das ein eiche vaß sin, item der ancken kübel und etwas höltz.

Und soll das alles, jenach dem hußrat hab unnd guͦt verhannden und durch die wyber trüw ald vorteil gebrucht ist, ußgestossen und geordnet werden, wellichs inn den ussrichtungen zuͦ der ussrichteren und gantmeistern bescheidenheit gesetzt wirt, je nach gestalt der sachen.

Und wenn also ein frouw umb ir eerecht abgefertiget wirt, mag sy inn drittenteil stan, was der inhalt desselben gebruchs iro gibt oder nimpt, das muß sy erwarten. Unnd alles, das der frouwen im eerechten und drittenteil gebu̍rt, soll ir fryg eigenthumb heisen und syn und was dann witer uͦbrigs wirt, es syge ererbt, erspart ald gwünen guͦt, daran soll die frouw dhein ansprach haben, sonders sollichs alles des mans kinden und erben gefolgen und werden.

Was der man von siner eefrowen erbt

Dargeͣgen aber, was ein man von siner eefrouwen, so dieselb vor im mit tod abgat, erbe, ist dhein verschrybne satzung verhanden gewesen, sonders findt sich, wie sölichs von alterhar gebrucht syge, darby wellen unser herren es hinfüro styf plyben lassen. Namlich, was die frouw zuͦ dem man gebracht und ererbt hatt, liggends und varends guͦt, das sol bewyßt, erduret und nebent sich gelegt wërden, ußgenommen der froͧwen kleider unnd kleinot, was zuͦ irem lyb dient, ouch ir verlaßen bargelt, so nit zuͦ bracht guͦt gewessen ist, gehört alles dem man voruß, darzuͦ uß der frowen varenden hab ime ein ufgerust bett und ein kasten und vom silbergeschirr ein becher, so desselben etwas verhannden, je nach gestalt der sach, alles zuͦ rechtem eigen. Und mit sollichem soll der man uss der frouwen guͦt für all syn eerecht und gerëchtigkeit abgefertiget syn und das uͦberig der frowen guͦt iren rechten und nechsten erben gefolgen unnd werden. So aber von inen beiden eeliche kinder verhanden sind, soll der vatter das mütterlich guͦtt ungeschweineret des houptguͦts nutzen und niessen und so die kinder zuͦ iren tagen kommend und verhyrat werdent, einem jeden sin geburlich mütterlich houptguͦt hinuss zuͦ gëben schuldig sin.

Doch wo hyrat, gemecht ald ander geding zwüschent eelüten für sollich statt recht ufgericht ald abgerett weren, die sollen inn alwëg vorgan und by den selben verkomnussen on widerred plyben.

Und als ein besonnder statt recht verhanden, so ein knab ein witwe nimpt, was der selb von iro erben möge, ist unser herren meinung, das obangezoigte ordnung dem selben rechten gentzlichen on abbruch und unschadlich syn sölle.2

So das alles erlu̍tert und bestet wirt, mag man danenthin denen von Bu̍lachLieu : irem begeren nach daruss miteilen, was zuͦ irem statt reͣchten dienstlich sin wirt.

Actum sambstags, den 7. may, ano etcAbréviation lviijDate : 07.05.1558, presentibusÀ l’original : pnt herr burgermeister MüllerPersonne : und beid rethOrganisation : .3