[1] Namlich, das sy angenntz unnd on verzogenlich nach denen gewachßnen personen, die sygind wyb oder man, so das allmuͦßenn nemmend, schicken unnd inen mit hochem erntst sagenn söllind, das mine herrenn von inen unnd jedtlichem innsonderheit wellind gehept habenn, das sy sich darin gebind unnd darnach richtind, sover etwar krancker iro zuͦ nottwendigCorrection par-dessus, remplace : yaer pflaͤg begaͤrenn wurde, das sy alßdann desse sich nit widerind, sonders gehorsam sygind unnd also biderbenn lüttenn inn allenn trüwenn wartind. Unnd innsonderheit soͤllennd die verordnottenn pflaͤger dero nammen, so das allmuͦßen nemmend unnd krannckenn lüttenn wartenn werdend, eygentlich uffschrybenn, damit man wüssenn, wo dieselbenn vorhandenn unnd zefindenn sygind. Unnd wann aber sich etlich, über das es inen irer lyben halb vermüglich unnd sy gesund werind, ussziechenn unnd disem miner herrenn ansechenn ungehorsamlichenn widersetzenn, den unnd dieselbigenn wurdend egeruͤrte mine herrenn uss dem allmuͦßen thuͦn lassenn unnd damit wyter nit bedennckenn, wellichs man inen ouch hiemit heiter soll anzeigen, sich darnach inn trüwenn wüssenn mögen zehalten.

[2] Wyter, so ist ouch miner herrenn erntstlich meynnug, das sy, die genantenn pflaͤgere, sampt dem obman dess allmuͦßensOrganisation : , unverzogenlich verschaffenn unnd mit dem spittallmeister redenn, das das hus daussenn an SelnowLieu : Organisation : ,2 so dem spittalLieu : zuͦgehoͤrt unnd hußlüth darinn hatt, gerumpt, namlich dieselbenn hußlüth geurloubet unnd also geordnot werde, damit man arm lüth oder andere, so dhein underschlouff hand unnd aber mit vorgeruͤrter krankheit beladenn wurdind, darin thuͦn unnd enthaltenn möge, deßglichenn sich ouch umb einen guͦtenn unnd darzuͦ tougenlichenn gesellenn umbsechenn unnd bewerbenn, der inn gemelt hus an SelnowLieu : Organisation : gethan, vom allmuͦßennOrganisation : mit spyss unnd lon, sampt den kranckenn, so dahin komend, erhalten werde, unnd also denselbenn braͤsthafftenn das best thuͤyge unnd nach erfordrung der notturfft mit narung unnd suntst verseche, wie dann das vornacher im grossenn sterbend ouch brucht worden.

[3] Unnd so denne etwan arm biderblüth vorermelter krankheit mit tod abgand, die dhein zunfft3 noch niemand habend, dadurch dann dieselbenn nit one begrabenn liggenn blybind, sonders nach unnserm christenlichenn bruch zur kilchenn gefertigot werdind, so söllend die vilgemelten pflaͤgere unnd verordnotenn etlich darzuͦ schybenn unnd bestellenn, die sölliche jetzgedachte aberstorbne lüth zuͦ kilchenn tragind, das man die ouch nach gebür begrabenn unnd desst [p. 3]Saut de page minder unwillenns davon kommen möge unnd also sy, die pflaͤger, harinn gewallt habenn, das nach irem bestenn flyss zuͦversechenn, wie mine herrenn inen das sonders wol vertruwind.4